Cünadənin oğlu olan Əmr düşmənlə döyüşə çıxmaq üçün imam Hüseyn (ə)-dan icazə istədikdə İmam buyurdu: "Bu gəncin atası ölmüşdür, ola bilsin bunun anası oğlunun döyüş meydanına çıxmasına razı olmaya." Əmr dedi: Anam ona görə məni bura göndərmişdir ki, sizin yanınızda şəhid olam. İmam (ə) ona düşmənlə döyüşə çıxmaq üçün icazə verdi. Anası övladının cənazəsini axtarmaq üçün meydana getdi və oğlunun kəsilmiş başını götürərək dedi: Afərin sənə oğlum! Özü isə dirək götürüb düşmənə hücum etdi, iki nəfəri öldürdükdən sonra, İmam Hüseyn (ə) onu xeyməyə qaytardı və onun haqqında Allahu-təalaya dua etdi.