Sual: Bəzi möminlər Məhərrəm və Səfər aylarına uyğun olmayan əməlləri icra edirlər. Bu əməllərdən evlənmək, yeni evə köçmək, ev əşyalarının dəyişdirilməsi, bədən və libasın zinətlənməsi, yaxud yeni layihələrə başlamaq və bu kimi işləri misal çəkmək olar. Bütün bunların şəri hökmü nədir?

Cavab: Deyilən işlər qeyd olunan vaxtlarda haram deyil. Ancaq gərək sevinmək və zinətlənmək kimi işlər Aşura gününün əzəmətini aradan aparmasın. Bəli, insan gərək vacib zərurət tələb etmədiyi hallarda bu kimi işləri Əhli-beytin (ə) fəlakətlərində və onların kədərləndiyi günlərdə etməsin. Bu kimi işləri zərurət olmadığı hallarda Əhli-beytin (ə) hüzn və kədəri ilə müşayiət olunmayan günlərdə etsinlər, özləri üçün hüzn və əzadarlıqdan başqa vaxtları seçsinlər.

Ayətullah Sistani