Şəfqətli insan qayğıkeş, həssas və sevən insan hesab olunur, elə bir insan ki, cinsindən, məqsədindən, həyat yolundan və etiqadından asılı olmayaraq hər kəsi güclü şəkildə özünə bağlayır.

Əgər biz sevgi və şəfqətin abidəsinə çevrilmiş bir nəfərə baxmaq istəyiriksə, bu şəxs Hüseyn ibn Əlidir.

Hüseyn insanlıq abidəsi idi. Elə bir insan ki, hətta öz düşməninin də çətin halına acıyaraq göz yaşı tökürdü. Elə bir insan ki, insanlığa xidmət etdiyi kimi heyvanlara da qayğı ilə yanaşırdı. O görəndə ki, düşməni susuzdur öz ailəsinin və səhabələrinin isə su ehtiyatı var və bilə-bilə ki, özünün su ehtiyatı tezliklə kəsiləcək yenə də isti səhrada onu mühasirəyə almış düşmənin atlarını şəxsən yemləyir, onlara su verir.

Elə bir şəxsiyyət ki, insanlığa belə bir qayğı və istiliklə yanaşır. Beləliklə nə zaman şəfqət barədə düşünürüksə, ağlımıza Hüseyn gəlir.