Ən təsirli məqamlardan biri bu idi ki, Hüseyn minlərlə düşmən döyüşçüsü tərəfindən mühasirəyə alınmışdı və bu zaman gördü ki, ailəsi də müxtəlif istiqamətlərdən hücuma məruz qalır. Bu zaman o, bir çağırış səsləndirdi ki, əsrlərdir sədası kəsilmir və çoxlu insanı ruhlandırır, düşüncələri oyadır. Onun çağırışı bu idi ki, "dünyada azad olun!"

Hüseynin sədası azadlığa nail olmaq, insan hüquqlarını yaymaq, ədalətsizlik və zülmlərə qarşı çıxmaq üçün idi.

Bir insan kimi görəndə ki, istibdad xərçəng kimi kök atıb və istismarçılıq fitnə ilə qarışıb, bunu düzəltmək üçün hərəkətə keçdi, öz zəmanəsində mövcud olan hər cür saxtakarlığın qarşısını almaq üçün addım atdı. Bu səbəbdəndir ki, hər bir dövrdə, hər bir əsrdə azadlığı və özünüifadə hüququnu təmin etməyə çalışan hər bir kəs üçün Hüseyn nümunəyə çevrildi.

İnsan oğlu, ümumiyyətlə öz inanclarına əməl etməyə və özünü ifadə etməyə hər zaman meyillidir. Bu baxımdan İmam Hüseynin (ə) dedikləri dünyada şərəf, vicdan və özünüifadə azadlığı uğrunda mübarizə aparan milyonlarla insan üçün xüsusi bir nümunə və model rolunu oynayır.

Məhəmməd əl-Hilli (tədqiqatçı, xətib)