Hüseyn 72 tərəfdarı ilə birlikdə 30 minlik qoşunla üz-üzə dayanmışdı. Əslində sıravi bir insan belə bir vəziyyətdə geriyə addım atmaq istəyərdi. Lakin Hüseyn öz mövqeyində sabit qaldı və istibdada qarşı tutduğu yolu sonadək davam etdi.

Digər bir məsələ Hüseynin dəstəksiz olması idi. Çoxlu işlərimiz olur ki, dəstəyə möhtac oluruq, yaxud başqalarından dəstək istəyirik. Lakin görürük ki, Hüseynin azsaylı dəstəkçiləri də gözünün önündə bir-bir sıradan çıxırlar. Baxmayaraq ki, onun döyüşdən yayınmaq üçün imkanları hələ var idi, Hüseyn öz mücadiləsinə davam edirdi, hədəfinə doğru irəliləyirdi.

Bu mənada biz İmam Hüseyndən dərs ala bilərik. Ondan dərs alaraq qarşımıza qoyduğumuz hədəfə çatmaqda qətiyyətimizi daha da möhkəmləndirə bilərik.

Əhməd Hənif (İlahiyyatçı, mühazirəçi)

Kerbela.info