Hüseyn ibn Əli (ə) gənclik dövründən başlayaraq İslam hökumətinin əsl yolundan döndüyünü müşahidə etdiyi vaxtdan bəri atasının siyasi mövqeyini himayə etmiş və ona tabe olmuşdur.

Bir gün İmam Hüseyn Ömər ibn Xəttabın hakimiyyəti dövründə məscidə girib gördü ki, Ömər minbərdə oturmuşdu. Bunu görcək tez minbərin başına qalxıb Ömərə dedi: "Mənim atamın minbərindən aşağı düş və get öz atanın minbərində otur".

Ömər özünü itirmiş halda dedi: "Mənim atamın minbəri olmayıb". Sonra Ömər onu yanında əyləşdirdi. Minbərdən düşdükdən sonra azyaşlı Hüseyni öz evinə aparıb ondan soruşdu: "Bu sözü sənə kim öyrədib?" İmam Hüseyn: "Heç kim", – deyə cavab verdi.

Mehdi Pişvayi