İmam Hüseynin (ə) müqəddəs ziyarətgahının müasir teatr diviziyası Qədir-Xum bayramı ərəfəsində Kərbəlanın "Qəsr əl-Ziyafə" Mədəniyyət və İncəsənət Mərkəzində xüsusi teatr tamaşası nümayiş etdirib.

Tamaşa böyük izləyici kütləsi cəlb edib.

Kerbela.info imamhussain.ogr-a istinadən xəbər verir ki, "Bu tamaşa Qədir günündə nə baş verdiyini səhnə ifası yolu ilə təsvir edirdi, həmçinin modern yollarla bu tarixi hadisəni ictimaiyyətin diqqətinə çatdırmağa çalışırdı", - deyə diviziyanın baş icraçısı Səədəddin Haşim məqbərənin rəsmi saytına müsahibəsində deyib.

S.Haşim, həmçinin qeyd edib ki, Kərbəla əyalətinin teatr sahəsində inkişafı İmam Hüseyn ziyarətgahının sayəsində mövcud olub. Belə ki, bu məqbərə kompleksinin izləyicilər arasında olan nüfuzu imkan verir ki, İslamın həqiqi prinsipləri və təlimləri ilə tərbiyələnmiş bir mədəni nəsil yetişsin.

Bildirək ki, Qədim-Xum mühüm tarixi və dini hadisə kimi şiə müsəlmanlar tərəfindən hər il zilhiccə ayının 18-də bayram olaraq qeyd edilir. Həmin gün Həzrət Məhəmməd (s) peyğəmbər İmam Əlini (ə) özünün xəlifəsi və davamçısı elan edib.