Hindistan Baş naziri Narendra Modi İndor şəhərində daha çox şiə müsəlmanların istifadə etdiyi məscidə gələrək İmam Hüseyn müsibəti ilə bağlı təşkil edilmiş matəm mərasiminə qatılıb.

Kerbela.info "Shafaqna" agentliyinə istinadla xəbər verir ki, Baş nazirin gözlənilmədən əzadarlıq mərasiminə qatılması məclis iştirakçıları tərəfindən maraqla qarşılanıb.

Mərasimdə çıxış edən Modi bunları deyib: "İmam Hüseyn ədalətsizliyə, zülmkarlığa qarşı qiyam etdi. Bu gün onun qiyamını daha yaxşı başa düşürük. Bu gün insanlığın İmam Hüseynin təlimlərinə olan ehtiyacını daha yaxşı dərk edirik”.