Bu gün Aşura günü ilə əlaqədar dünyanın çoxlu ölkələrində matəm mərasimləri keçirilir, əzadarlıq məclisləri qurulur.

Kerbela.info "Shafaq" xəbər agentliyinə istinadla bildirir ki, hər il İmam Hüseyn (ə) və səhabələrinin Kərbəla faciəsini qeyd edən Böyük Britaniya müsəlmanları bu il 29-cu dəfə Londonun mərkəzinə toplaşacaqlar.

Bu gün gün ərzində Londonun mərkəzində Aşura ilə bağlı əzadarlıq mərasiminin keçiriləcəyi gözlənilir. Builki əzadarlıq mərasimi yerli vaxtla saat 15.00-da (Bakı vaxtı ilə 19.00) Şimali nəqliyyat zolağı küçəsindən (Hayd parkı) start götürəcək və Holland parkı yaxınlığındakı Universal İslam Assosiasiyasınadək davam edəcək.