Kərbəla şəhərində Ərbəin ziyarətinə qatılmaq istəyən 1 milyon yarım İran vətəndaşına viza verilib.

Kerbela.info İraq mediasına istinadla xəbər verir ki, bu barədə İranın Ərbəin Xidmətləri Mərkəzinin katibi Şəhriyar Heydəri məlumat verib.

"30 oktyabrda baş tutacaq mərasimlərə qatılmaq istəyən İran vətəndaşları üçün Kirmanşah, Əhvaz, Məşhəd və Tehran konsulluqları da daxil olmaqla, 20 müvəqqəti diplomatik nümayəndəlikdə viza verilmə prosesləri həyata keçirilib. Ərbəin vizaları sadəcə "Samah" sistemi təqdim edilib. İndiyə qədər 1 milyon 450 min iranlı viza ala bilib", - deyə Ş.Heydəri bildirib.

İranlı rəsmi, həmçinin əlavə edib ki, ötən il 2 milyon İran vətəndaşı Ərbəin ziyarətinə yollanıb.