İmam Hüseynin müqəddəs ziyarətgahının həyata keçirdiyi xeyriyyə aksiyalarından biri də kasıb gənclərin evlənməsinə yardım etməkdir.

Kerbela.info Imamhussain.org-a istinadla xəbər verir ki, hər cümə günü keçirilən ianə kampaniyaları zamanı toplanmış yardımlar gənclərin ailə həyatı qurması üçün sərf edilir.

Xeyriyyə aksiyasının meneceri Sabah Əbdülkərimin sözlərinə görə, kampaniya bir il bundan əvvəl başlayıb və indiyədək xeyli gəncin evlənməsinə şərait yaradıb. O bildirib ki, kampaniya çərçivəsində ziyarətgahın daxilində ianə qutuları qoyulur və bu xeyriyyə işinə töhfə vermək istəyənlər həmin qutulara dilədikləri məbləği daxil edirlər. Bəzən isə yardımlar fərqli formalarda həyata keçirilir.

İmam Hüseyn ziyarətgahı evliliyə namizədlər üçün məişət əşyaları alır, toy hədiyyələri təqdim edir və müxtəlif digər ehtiyaclarını ödəyir.