Böyük Britaniyanın İraqdakı səfirinin müşaviri Nikolas Ellotot verdiyi açıqlama zamanı bu il İngiltərədən 5 min zəvvarın İmam Hüseynin (ə) 40 mərasimi ilə əlaqədar keçirilən "Ərbəin" yürüşündə iştirak etdiyini bildirib.

Qeyd edək ki, Ərbəin yürüşü - müsəlmanların üçüncü imamı sayılan həzrət Hüseynin (ə) şəhid olmasının qırxıncı günü keçirilən genişmiqyaslı tədbirdir. İmam Hüseynin (ə) şəhid olmasının qırxıncı günü ilə əlaqədar milyonlarla insan Nəcəf şəhərindən Kərbəlaya piyada gedərək bu yürüşdə iştirak edirlər. Bu yürüşdə təkcə Əhli-Beyt (ə) davamçıları deyil, həm də digər məzhəbdən olan müsəlmanlar, eyni zamanda xristianlar da iştirak edirlər. (Kerbela.info)