İmam Hüseyn ziyarətgahı İraqın Zi-Qar şəhərinin kasıb məhəllələrində yaşayan Xalq Səfərbərlik Qüvvələrinin şəhid olmuş əsgərlərinin ailə üzvlərinə mükafatlar təqdim edib.

Kerbela.info Imamhussain.org-a istinadla xəbər verir ki, İmam Hüseyn ziyarətgahının baş direktorunun köməkçisi Seyid Sədəddin əl-Bənna müqəddəs ziyarətgahın bir neçə digər nümayəndələrilə birlikdə Zi-Qara yollanaraq şəhid ailələrilə görüşüblər.

Ziyarətgah təmsilçiləri gətirdikləri hədiyyə və mükafatları şəhidlərin övladlarına və qohumlarına təqdim ediblər.

Bildirək ki, 2014-cü ildə İŞİD terror təşkilatı İraqa hücum etdikdən sonra Ayətullah Seyid Əli Sistani müqəddəs cihad fətvası verərək, İraq vətəndaşlarını terrorçulara qarşı mübarizə aparmağa çağırıb. Fətvadan sonra formalaşdırılan Xalq Səfərbərlik Qüvvələri qısa zamanda döyüşlərdə üstünlüyü ələ alaraq terrorçuları məğlub edib və İraqın ərazi bütövlüyünü qorumuş olub.