İmam Hüseyn ziyarətgahının Quran qaresi 11-ci Milli ali Quran tilavəti müsabiqəsinin qalibi olub.

Kerbela.info Imamhussain.org-a istinadla xəbər verir ki, İmam Hüseyn ziyarətgahının nəzdindəki Quran Evinin nümayəndəsi, beynəlxalq dərəcəli qare Üsamə əl-Kərbəlayi növbəti ali mükafata layiq görülüb.

Quran Evinin akademik ofisinin direktoru Şeyx Xeyruddin Əli Hadinin sözlərinə görə, Şiə Müsəlmanlarının Vəqf Bürosunun təşkilatçılığı ilə keçirilmiş müsabiqə qare Üsamə əl-Kərbəlayi üçün elə də asan olmayıb. Qara güclü rəqibləri arasında üstünlük əldə edə bilib. Şeyx Əli Hadi qeyd edib ki, bu nailiyyət İmam Hüseyn ziyarətgahının nəzdindəki Quran Evinin nailiyyətlərinə daha bir böyük töhfədir.

Bildirək ki, 2007-ci ildə Üsamə əl-Kərbəlayi İranda keçirilmiş Quran tilavəti üzrə beynəlxalq müsabiqədə ikinci yeri qazanıb. O, 2009-cu ildə Malayziyada keçirilmiş digər bir beynəlxalq müsabiqədə isə birinci yerə layiq görülüb.