İmam Hüseyn ziyarətgahının mühəndis və texniki heyəti yeni hazırlanmış zərihləri Kərbəla şəhidlərinin qəbirləri üzərində yerləşdirir.

Kerbela.info Imamhussain.org-a istinadla xəbər verir ki, bu barədə İmam Hüseyn ziyarətgahının texniki işlər departamentinin direktoru Kərim əl-Əmbərai məlumat verib.

Onun sözlərinə görə, yeni zərihin ümumi ağırlığı 4 tondur. Müxtəlif metallardan hazırlanmış örtülü məhəccərin tərkibində 18 karatlıq 9 kiloqram həcmində qızıl istifadə edilib. Bundan başqa, zərihin 804 kiloqramı xalis gümüşdəndir, həmçinin 2 ton ağac, 200 kiloqram latun və 300 kiloqram paslanmayan polad sərf edilib.

Əmbərai qeyd edib ki, yeni zərihin ölçüləri əvvəlki zərihlə eynidir, əlavə olaraq zərih bitki ornamentləri ilə bəzədilib.

Qeyd edək ki, yeni zərih İranın Qum şəhərində dizayn edilib və hazırlanıb. Qumun qəyyumlar şurası tərəfindən Kərbəla ziyarətgahına hədiyyə edilib.