Kərbəla şəhərində yerləşən İmam Zeynəlabidin hospitalında nadir cərrahiyyə əməliyyatlarından biri yerinə yetirilərək xəstənin həyatı xilas edilib.

Kerbela.info Imamhussain.org-a istinadla xəbər verir ki, bu barədə İmam Hüseyn ziyarətgahının nəzdində fəaliyyət göstərən hospitalın mətbuat xidməti məlumat yayıb.

Bildirilib ki, İmam Zeynəlabidin hospitalının neyrocərrahlar qrupu çətin olan əməliyyatı uğurla yerinə yetiriblər və qadının onurğa beynində meydana gəlmiş xərçəng şişini zərərsizləşdirərək götürüblər. Hazırda xəstənin vəziyyəti qənaətbəxşdir və o, həyatına sağlam şəkildə davam edə biləcək.