İmam Hüseyn ziyarətgahında yeni zərihlərlə örtülmüş abidələr və Müxəyyəm ziyarətgahının (Aşura günü İmam Hüseynin ailə üzvlərinin qaldığı çadırların yerləşdiyi məkan - red.) dam örtüyünün yekunlaşması ilə əlaqədar açılış mərasimi keçirilib.

Kerbela.info istinadla xəbər verir ki, tədbirdə hökumət rəsmilərilə yanaşı xeyli sayda mülki vətəndaşlar da iştirak edib.

Mərasimdə çıxış edən İmam Hüseyn ziyarətgahının direktoru Şeyx Əbdülmehdi Kərbəlayi insanlara xidmət naminə mədəni, tibbi və təhsil proqramlarının həyata keçirilməsinin zəruriliyinə diqqət çəkib.

Şeyx Kərbəlayi bildirib ki, Müxəyyəm ziyarətgahında dam örtüyünün inşası, Zeynəbiyyə yüksəkliyində məbədin tikilməsi İmam Hüseyn ziyarətgahının zəvvarlar üçün həyata keçirdiyi ən böyük layihələrdəndir.

Ziyarətgahın direktoru iştirakçı tərəflərə, hökumət idarələrinə, nazirlərə, həmçinin Kərbəla əhalisinə təşəkkürünü ifadə edib, bu layihələrin həyata keçirilməsində İmam Hüseyn ziyarətgahına göstərdikləri dəstəyin həlledici olduğunu dilə gətirib.