İmam Hüseyn ziyarətgahının Qadınlar üzrə Xətiblik Şöbəsi İraqın bir sıra universitetlərində xətiblik proqramının davam etdiyini açıqlayıb.

Kerbela.info Imamhussain.org-a istinadla xəbər verir ki, layihənin əsas məqsədi universitet tələbələrinin dini və ideloji mədəniyyətlərinin artırılması, əxlaqi dünyagörüşlərinin gücləndirilməsi, tələbələrin İslama və islami mənsubiyyətə qarşı yönəlmiş əsassız ittiham və qarayaxmalara qarşı çıxa bilmələri üçün intellektual bazalarının gücləndirilməsidir.

Qeyd olunub ki, layihə, həmçinin möhkəm imana, İslama və bu dinin ali dəyərlərinə dərin etiqadı olan bir gəncliyin formalaşdırılmasına xidmət etməyə hesablanıb.

Layihənin rəhbəri Zəhra İbrahimin sözlərinə görə, layihə çərçivəsində fərdi inkişaf, hüquq elmlərinə yiyələnmək, həmçinin müxtəlif müsabiqələr həyata keçirilir.

O, bildirib ki, layihə Kərbəla Universitetinin müxtəlif kolleclərində həyata keçirilir, həmçinin Xətiblik Şöbəsi Babil, Bağdad, Kufə və Vasit Universitetləri ilə də koordinasiya şəraitində fəaliyyətini davam etdirir.