15-ci Beynəlxalq Şəhidlik Baharı konfransının hazırlıq komitəsi növbəti konfransın keçirilməsi üçün hazırlıq işlərinə başlanıldığını bəyan edib.

Kerbela.info Imamhussain.org-a istinadla xəbər verir ki, komitəyə sədrlik edən Əqil Yasir bildirib ki, İmam Hüseyn və həzrət Abbas ziyarətgahları konfransın anonsunu hələ aylar öncə elan etməyə başlayıb.

O əlavə edib ki, konfransın fəaliyyətinin sosial şəbəkələrdə yayımlanması üçün xüsusi metod işlənərək hazırlanıb. Komitə sədrinin sözlərinə görə, konfransda iştirak etmək üçün 30 ölkədən qonaqlar təşrif gətirəcək və onların bioqrafiyaları tədbirdə nümayiş olunacaq.

Əqil Yasir jurnalistləri əmin edib ki, İmam Hüseyn ziyarətgahı konfransın tam işıqlandırılması üçün kütləvi informasiya vasitələrinin qarşısında olan maneələrin hamısını aradan qaldıracaq.