İmam Hüseyn ziyarətgahının özəl kitabxanası 15 milyon ədəd rəqəmsallaşdırılmış kitab və elmi məqalələri ictimaiyyətə təqdim edib.

Kerbela.info Imamhussain.org-a istinadla xəbər verir ki, bu barədə ziyarətgahın köməkçi kitabxanaçısı İhsan Xudeyr Abbas məlumat verib.

"Hazırda İmam Hüseynin müqəddəs ziyarətgahının rəqəmsal nəşrlər bazasında təxminən 15 milyona yaxın material var. Bunlar kitab, tədqiqat işləri, universitet dissertasiyaları və məqalələrdən ibarətdir", - deyə ziyarətgah kitabxanaçısı bildirib.

Onun sözlərinə görə, artıq 30 min dissertasiya materiallarından iki mini çap edilib. İ.Abbas onu da bildirib ki, kitabxanada 50 ədəd mobil kitab rəfləri mövcuddur ki, buradakı kitabların hamısı sıra sayları ilə nömrələniblər. Kitabxanada, həmçinin oxucular üçün nəzərdə tutulmuş oxu zalı da fəaliyyət göstərir.

İhsan Abbas qeyd edib ki, İmam Hüseyn ziyarətgahında mövcud olan bütün nəşrlər və rəqəmsal kitablar ictimaiyyətə pulsuz təqdim edilir.