Martın 8-də Pakistanın İslamabad şəhərində keçirilməsi planlaşdırılan "Kərbəla nəsimi" adlı Beşinci Beynəlxalq Festivalı ilə bağlı hazırlıq işləri başa çatıb.

Kerbela.info Imamhussain.org-a istinadla xəbər verir ki, bu barədə açıqlamasında festivalın hazırlıq komitəsinin üzvü Məhəmməd Əbdüssalam bildirib.

Onun sözlərinə görə, beynəlxalq tədbirin keçirilməsində məqsəd Əhli-beyt sevərlərlə, xüsusilə İraqda yerləşən müqəddəs ziyarətgahlara gələ bilməyənlərlə ünsiyyətin yaradılmasıdır.

O bildirib ki, festival əsasən üç şəhərdə keçiriləcək. Bunlar İslamabad, Çiniot və Lahor şəhərləridir.

Qeyd edilib ki, festival çərçivəsində aşağıdakı kimi bir çox fəaliyyətlər həyata keçiriləcək: İmam Hüseyn bayrağı qaldırılacaq, uşaqlar üçün kitab sərgisi və qalereya keçiriləcək, həmçinin imkansız şəxslərin müayinə və müalicəsi üçün kiçik aksiya da təşkil ediləcək. Bunlardan başqa müqəddəs ziyarətgahlara kiçik ziyarət turu və İslam fiqhi ilə bağlı təlim proqramı da təşkil olunacaq.