İraqlı tədqiqatçı, İmam Hüseyn ziyarətgahının İnsan Resursları İnkişafı Departamentinin media və ictimaiyyətlə əlaqələr şöbəsinin direktoru Mehdi əl-Səədi Misirdə keçirilən turizm üzrə elmi konfransda iştirak edib.

Kerbela.info Imamhussain.org-a istinadla xəbər verir ki, Misirin əl-Mənsurə Universiteti tərəfindən təşkil edilmiş ikinci beynəlxalq konfrans "Delta bölgəsinin turizm marketinq potensialı" mövzusunda olub.

Mehdi əl-Səədi "Dini ziyarətgahların İraqın dini turizminin inkişafındakı rolu. İmam Hüseyn ziyarətgahı nümunə kimi" mövzusundakı elmi işi ilə çıxış edib.

Əl-Mənsurə Universitetinin Turizm və Hotelçilik Kolleci əl-Səədinin tədqiat işini xüsusi elmi nəşrində dərc etmək barədə qərar qəbul edib.