İmam Hüseyn ziyarətgahının yaxınlığındakı əl-Əqilə meydanında aparılan inşaat işləri zamanı torpaq qatının altında 36 qədim arxeoloji material aşkarlanıb.

Kerbela.info Imamhussain.org-a istinadla xəbər verir ki, meydançada quyu qazılan zaman aşkar edilmiş materiallar daha dərindən analiz olunması üçün İraq Milli Muzeyinə təhvil verilib.

"İmam Hüseynin müqəddəs ziyarətgahını təmsil edən nümayəndə 36 ədəd tapıntını bizə təqdim etdilər. Əl-Əqilə meydanında qazılmaqda olan quyudan tapılmış qalıqların arasında dulusçuluq materialları da var", - deyə İraq Muzeylərinin Baş direktoru Ləma Yas açıqlamasında bildirib.

Mədəniyyət rəsmisi qeyd edib ki, İraqın maddi mədəniyyət tarixinə məxsus bu qalıqlar daha dərindən araşdırılacaq və təsnifləndiriləcək.

Bildirək ki, İmam Hüseyn ziyarətgahının tərkibinə daxil ediləcək Əqilə meydançasının genişləndirilməsi layihəsinə 2016-cı ildən start verilib və proses 2022-ci ildə tamamlanacaq.