Kərbəlada sakin olsaq belə, Ərbəin günü gərək Kərbəlaya qayıdaq və başqa zəvvarlar kimi biz də yürüşə qoşulub, onlarla hərəkət edək.

Hətta Aşura hadisəsindən sonra belə, Əhli-Beyt (ə) davamçıları Ərbəin günü Kərbəlaya geri qayıdırlar. Bu, o mənadadır ki, Kərbəlanın sakinləri belə Kərbəladan ehtiyacsız deyildirlər. Bu səbəbdən Həcc ilə Kərbəla ziyarəti arasında böyük fərq vardır. Hər kim ömründə bir dəfə də olsa həccə gedərsə, bu vacibat onun boynundan götürülər. Ancaq Kərbəla ziyarətini yerinə yetirmək dəfələrlə tövsiyə olunmuşdur.

Əhli-Beyt (ə) məktəbini tanıdan amillərdən biri də məhz Ərbəin yürüşüdür. Çünki bu yürüş bir məzhəblə kifayətlənmir. Bu yürüşdə müxtəlif məzhəblər və dinlərin nümayəndələri iştirak edirlər.

Bu da onu göstərir ki, əgər dünya vilayəti tanımaq istəsə, Aşura və İmam Hüseyn (ə) hamını bir-birinin yanında qərar verə bilər.

Ayətullah Xamenei