Dünyanın 45 ölkəsində "İmam Hüseynin (ə) südəmər körpələri" adlı konfrans keçiriləcək

03.09.2019

“İmam Hüseynin (ə) südəmər körpələri” adlı konfrans bu il İranda və dünyanın 45 ölkəsində keçiriləcək.

Bunu Həzrət Əli Əsğər (ə) Ümumdünya Assambleyasının katibi Davud Mənafipur deyib.

O bildirib ki, İranda bu il konfrans Tehranda 100 min nəfərlik tutumu olan “Azadi” stadionunda və digər şəhər və rayonlarda təşkil olunacaq.

D.Mənafipur deyib ki, konfransın nəzirnaməsi azərbaycan, rus, ərəb, ingilis, türk və s. dillərə tərcümə olunub. Südəmərlər Konfransı İranda 6000, İraqda 300, Rusiyada 35, Ərəbistanda 15 və ABŞ-da 25 toplantı ilə keçiriləcək.

Südəmər körpələr üçün İranda 72 geyim istehsalı sexi və Türkiyə, Bəhreyn və İraqda 3 geyim sexi geyimlər hazırlayıb. Geyimlər konfransın 13 dilə tərcümə olunmuş nizamnaməsi ilə birlikdə müxətlif ölkələrə göndərilib.

Qeyd edək ki, hər il Məhərrəm ayının ilk cümə günü İranda və bütün dünyada “İmam Hüseynin (ə) südəmər körpələri” adlı konfransı keçirilir. Bu konfransın iştirakçıları südəmər körpələr və onların analarıdır.

Maide.Az