İran İslam Respublikasında Həzrət İmam Səccadın (ə) adına beynəlxalq konqres öz işinə başlayıb.

Konqresdə İran İslam Respublikası və dünyanın 26 ölkəsindən 100-dən çox tanınmış dini, siyasi, ictimai və mədəni şəxsiyyət, elm adamları və mütəfəkkirlər iştirak edir.

Sayca 10-cu olan bu konqres İslam Respublikasının Hormozgan əyalətinin Məscidlərin Mədəniyyət və İncəsənət idarələrinin koordinasiya mərkəzinin təşəbbüsü ilə keçirilir.

Sentyabr ayının 1-də, Hormozgan əyalətinin "Bəndər Abbas" şəhərində konqresin açılış mərasimi keçirilib.

Vebinar və seminar formatında keçiriləcək bu koqnresdə 100-dən çox alim və mütəfəkkir çıxış edəcək. Bu çıxışlar "cisadjad.ir" saytından onlayn yayımlanacaq.

Komitə sədri bildirib ki, təkcə İran İslam Respublikasının Hormozgan əyalətində 50 nəfərdən çox Səhifeyi-Səccadiyyə hafizi var.

Konqresin açılış mərasimində Ayətullah Nuri Həmədaninin mərasim iştirakçılarına mesajı qiraət edilib.

Qeyd edək ki, beynəlxalq İmam Səccad (ə) konqresi Məhərrəm ayın 25-dək davam edəcək.

Yekun mərasim Məhərrəm ayının 25-də Tehranda keçiriləcək.

maide.az