Kərbəla şəhərindəki Mədəniyyət evində İraq şəhidlərinin xatirəsinə həsr olunmuş "Siciim" tamaşası nümayiş olunub.

Teatr tamaşasında xeyli sayda akademik, aktyor, rəhbər işçilər və təhsil sisteminin əməkdaşları iştirak ediblər.

İmam Hüseyn (ə) ziyarətgahı nəzdindəki Müasir Teatr Diviziyasının direktoru Əla əl-Bəşiq tamaşa ilə bağlı bunları deyib: "Biz bu gün Müasir Teatr Diviziyasının yaradılmasını qeyd edirik. Bununla gənc və yaradıcı insanlarla teatr hərəkatını daha da zənginləşdirməyə nail olacağıq". O, əlavə edib ki, teatr bu sahədə dünyadakı yeniliklərlə uzlaşa bildiyi üçün Müasir Teatr adlandırılıb və İslamın əsaslarından, eləcə də İmam Hüseynin (ə) müqəddəs inqilabından bəhs edir.

Teatr direktorunun sözlərinə görə, diviziya istehsal, bəstəkarlıq, aktyorluq, ssenariyazma, səsyazma və ifa işləri üzrə texniki ofislərin təsis edilməsini planlaşdırır. Bununla İraqın teatr irsinin daha da inkişaf etdirilməsi qarşıya hədəf kimi qoyulur.
Əla əl-Bəşiq, həmçinin qeyd edib ki, son dövrlər İraqdakı teatr tamaşalarında yerli adət-ənənələrə əməl olunmadığı üçün insanlar teatrlara getməkdən çəkinməyə başlayıblar.

Imamhussain.org/Kerbela.info