Müqəddəs İmam Hüseyn (ə) və Həzrət Əbəlfəzl Abbas (ə) ziyarətgah kompleksləri yaxınlaşmaqda olan şaban ayının əvvəllərində 14-cü Beynəlxalq Şəhadət Baharı illik konfransına hazırlıq işlərini davam etdirirlər.

Hazırlıq komitəsinin üzvü Əli Kazım Sultan sayta açıqlamasında bildirib ki, dünyanın bir çox ölkələrindən tədqiqatçıların və nümayəndələrin dəvət olunduğu konfransın yüksək səviyyədə təşkili üçün bütün zəruri işlər həyata keçirilir.

O, əlavə edib ki, konfrans bir neçə Əhli-beyt imamının mövlud günlərinə təsadüf edəcək. Komitə nümayəndəsinin sözlərinə görə, beynəlxalq konfrans aşağıdakı şüarlar altında keçiriləcək: "Hüseynin (ə) yolu ilə inqilabçı olduq, İŞİD-ə qarşı silahlanma fətvası ilə qaliblər olduq!".

Ə.K.Sultan diqqətə çatdırıb ki, tədqiqat işləri hər hansı istinaddan götürülməməli və ya indiyədək nəşr olunmuş material olmamalıdır. Həmçinin 15 səhifədən çox, 30 səhifədən az olmalıdır.

İlk üç yerin qaliblərinə müxtəlif məbləğlərdə pul mükafatları təqdim olunacaq. Belə ki, birinci yerin sahibi 1,5 milyon, müvafiq olaraq ikinci, üçüncü yerlərin sahibləri isə 1 milyon və 750 min İraq dinarı məbləğində mükafat qazanacaqlar.

İmamhussain.org/Kerbela.info