Müsəlman ölkələrində yerləşən müqəddəs məkanların idarə heyətləri zəvvarlara göstərilən xidmət səviyyəsinin yüksəldilməsi mövzusunda altıncı beynəlxalq konfrans keçiriblər.

İraqın Nəcəf şəhərində baş tutmuş konfransda İraq, Suriya və İranda yerləşən müqəddəs ziyarətgahların nümayəndələri iştirak ediblər. Tədbirdə çıxış edən İmam Hüseyn (ə) ziyarətgah kompleksinin nümayəndəsi Seyid Əfzəl əş-Şami bildirib ki, konfransın keçirilməsində məqsəd hər mövsümdə ziyarətə gələn insanlara daha keyfiyyətli xidmət göstərilməsi ilə bağlı müxtəlif ziyarətgah kompleksləri arasında fikir və təcrübə mübadiləsinin aparmasıdır.

O, diqqətə çatdırıb ki, sözügedən ölkələrdə yerləşən bir sıra ziyarətgahlar lazım olan səviyyədə aktiv fəaliyyət göstərmirlər, bu baxımdan konfransın keçirilməsi olduqca zəruridir.

Kerbela.info/imamhussain.org