Kərbəlaya səfər edən keşiş: "Terrorçular xristianlarla müsəlmanların arasını vura bilmədi"

Kərbəlaya səfər edən keşiş Hanna İsgəndər öz fikirlərini "Al-Roudha" jurnalı ilə bölüşüb.

Keşiş Hanna İ. özlərini İslama nisbət verən terrorçu qruplaşmaların məqsədlərinə çatmadığını, istədiklərinin əksinə olaraq törətdikləri əməllərin müsəlmanlarla xristianları daha da yaxınlaşdırdığını dilə gətirib.

Xristian din xadimi terrorçuların məqsədinin dünya ictimaiyyətində İslam dininə qarşı mənfi fikir formalaşdırmaq olduğunu qeyd edərək, İslam dininin bütün dinlərin nümayəndələrinə qarşı sevgi və sülh arzuladığını sözlərinə əlavə edib.

O, radikallıq və fanatikliyin qarşısının yalnız dinlərarası dialoq yoluyla aradan qaldırıla biləcəyini diqqətə çatdıraraq, Qurana əsaslanan dialoqun daha çox fayda verəcəyini bildirib.

Kerbela.info//imamhussain.org