Həzrət Əbəlfəzl Abbas (ə) hərəminin Əlyazmalar Mərkəzi bəyan edib ki, mərkəzdə müxtəlif dövrlərə aid çoxlu sayda əlyazma nüsxələri saxalanılır.

Mərkəzin direktoru Salah Mehdi Əbdülvahabın sözlərinə görə, minlərlə nüsxələrin içində Məkki və Mədəni (Məkkə və Mədinədə nazil olmuş - red.) Quran ayələrini izah edən şeirə rast gəlinib. O əlavə edib ki, yeni tapıntının tarixçəsi doqquzuncu əsrə gedib çıxır. Belə ki, şeirin qələmə alındığı kağızın növü və xəttatlıq işi bunu deməyə əsas verir.

Qeyd olunub ki, mərkəzdə Qurani-Kərimə və Quran elmlərinə aid minlərlə əlyazma nüsxələri saxlanılır və bu nüsxələr son dərəcə dəyərlidir.

/Imamhussain.org/