İmam Hüseyn müqəddəs ziyarətgahı Türkiyə, Tayland və Afrika ölkələrində bir sıra dini kurslar və mədəni tədbirlərə start verib.

Bu aksiya İraqın müxtəlif əyalətlərində təhsil alan tələbələr üçün ziyarətgah tərəfindən keçirilən Yay kursları layihəsilə əlaqəli şəkildə icra edilir.

Dini Məsələlər Departamentin sədri Şeyx Raid əl-Heydərinin mətbuat konfransında bildirdiyinə görə, ziyarətgah artıq Türkiyədə, Hindistanda, Taylandda və yeddi Afrika ölkəsində moizə tədbirləri keçirə bilib.

"Afrikanın ən böyük ölkələrində kişilər və qadınlar üçün dini elmlər, həmçinin Quran elmləri üzrə çoxlu kurslar və elmi müsabiqələr həyata keçirilib", - deyə Şeyx Heydəri əlavə edib.

Bildirək ki, İmam Hüseyn ziyarətgah kompleksinin Dini Məsələlər Departamenti İraqda və ölkə xaricində bir çox media və təbliğat layihələrinə rəhbərlik edir.

imamhussain.org