O kimsələr ki, olub aşiqi‐bəla, gəlsün,
Bizimlə kim olur zəvvari‐Kərbəla, gəlsün.

O göz ki, ağlar Əli Əkbərün fəraqinə,
Əyalü itrətini eyləyüb vida, gəlsün.

Hüseynün eşqi edüb əhli‐eşqi divanə,
Bəla çölündə olan qabili‐bəla, gəlsün.

O kəsləri ki, yolun gözlər həzrəti‐Əbbas,
O şahdən olacaq dərdinə dəva, gəlsün.

O kəsləri ki, gəzər Əkbərün sorağində,
O növcəvanə edən nəqdi‐can fəda, gəlsün.

Hüseyni‐təşnəcigər Əsğəri qucağında,
Gözətləyir rəhi‐zəvvari‐Kərbəla, gəlsün.

O qəbri‐paküvə pərvanə olmağa Nadim,
Yetirmə xarici rah, rahi‐Kərbəla gəlsün.