Aşura - ağıl və cəhalət qoşunlarının qarşılaşdığı səhnədir. Həmin gün əxlaqi fəzilətlərlə əxlaqi qəbahətlər arasındakı mənəvi mübarizədə ağlın qoşunlarını cəhalətin qoşunlarına qalib etməyi bacaran şəxslər az idilər. Lakin onların möhkəmliyi və o şərəfli meydanda müqavimətə israrlı olmaları tarix boyu minlərlə insanın o dərsi öyrənməsinə və həmin yolu getməsinə bais oldu. Əgər onlar öz vücudlarında fəziləti qəbahətin üzərində qalib etməsəydilər, fəzilət ağacı tarixdə solardı. Onlar o ağacı suvardılar.

Siz də öz dövrünüzdə daxilində fəziləti qəbahətə qalib edən və nəfsi istəklərini düzgün dini və əqli duyğulara, baxışa və təfəkkürə məğlub edən çoxlu şəxslər gördünüz.

Ayətullah Xamenei