Əbul-Qasim Cəfər ibn Muhəmməd ibn Qavləveyh Qumi öz sənədləri ilə nəql edir: "Müaviyə ibn Vəhəb İmam Sadiqin (ə) ona belə söylədiyini nəql edir: "Ey Müaviyə, İmam Hüseynin (ə) ziyarətini qorxudan tərk etmə. Çünki onun ziyarətini tərk edən şəxs qəbrinin onun qəbri yanında olmasını diləyərək təəssüf edəcək.

Məgər istəmirsən ki, Allah səni və adını Peyğəmbərin (s) Əlinin (ə) Fatimənin (ə) və İmamların barələrində dua etdiyi şəxslərin arasında görsün?! Məgər istəmirsən ki, bütün keçmiş günahları və yetmişillik gələcək günahları bağışlanmış şəxs kimi qayıdasan?! Dünyadan heç bir günahı olmayan şəxs kimi köçmək istəmirsən?! Sabah Peyğəmbərlə (s) əlbəəl verib görüşən şəxslərdən olmaq istəmirsən?!"".

Davud ibn Kəsir İmam Sadiqdən (ə) nəql edir: "Həqiqətən də Peyğəmbərin (s) qızı Fatimə (ə) oğlu Hüseynin (ə) qəbrinin zəvvarlarına baş çəkir və onların günahları üçün Allahdan bağışlanma diləyir".

(Mənbə: "Kamiluz-Ziyarat" 40-cı bab)

Elnur Əlizadə