Yezidin dəsti tək qanla müləmmədir vətən ruyi,
Səzadır ağlasa qan, çeşmi-əşkəfşanlar, insanlar!
Cahani titrədir ahü ənini qəlbi-məzlumun,
Sizə təsirzmi aləmi-lərzanlar, insanlar?
Kərbübəladə sizə ruhi-Hüseyn,
Əkbərü Əbbas şəhadətgüzin,
Yetmiş iki hürr, deyirlər yəqin:
Sizlərə hürriyətimizdir müin.
Dövri-bidad-Yezidi dərk qılsaydın əgər,
Ən böyük sərdar olardın Kərbala davasına.
Eylədin ehraq nazəndə vətən gülzarını,
Çıxdın, ey qəddar, zülmün payeyi-balasına.

Məhəmməd Hadi - Şair