Əsərin əlyazmasından məlum olur ki, müəllif xatirələrini ilk öncə "Mənim həyatım" adlandırmış, sonra isə bu yazını karandaşla pozub "Mənim səfərim" etmişdir. Xatirələrin əsas məğzini isə memuaristin Kərbəla səfəri təşkil edir. O, 1910-cu ildə Kərbəla ziyarətinə gedən bibisinə qoşulur və səfər zamanı keçdiyi şəhərləri, Rəşti, Həmədanı, Sədabadı, Kirmanşahı, Bisütun dağını, Qəsri-Şirini təsvir edir, hər bir şəhərin əhalisi, təbiəti, adət-ənənələri, tarixi abidələri haqqında məlumat verir. Ə.Əzimzadə özünü zəvvardan daha çox səyahətçi kimi hiss edir: "Yaşayışımı zəvvarlıqdan çevirdim səyahətçi yaşayışına. Hər gün şəhərin bir yerinə gedib səyahət edirdim. Çox vaxt bazarda və meydanda ərəblərin, mühacirlərin həyatlarını öyrənirdim". (82, s.63)

Əzim Əzimzadə - Rəssam