Muxtar əs-Səqafinin hakimiyyəti devrildikdən və Musab bütün əsirləri öldürdükdən sonra Muxtarın iki həyat yoldaşı Samrə ibn Cundəbin qızı Ümmü Sabit və Nüman ibn Bəşirin qızı Ümrənin ardınca düşür. Onları həbs edəndən sonra onlardan Muxtara söyüş və təhqir etmələrini istəyir. Ümmü Sabit onun dediyini edərək, azad edilir. Amma Ümrə "Allah ona rəhmət etsin. O, Allahın saleh bəndələrindən bir bəndədir", - deyir. Bunu eşidən Musab onun öldürülməsi əmrini verir. Matar adlı bir nəfər onun boynunu vuraraq, öldürmüşdü. Ümrə İslamda boynu vurularaq, öldürülən ilk qadındır.