Haqqı batildən ayıran imtahandı Kərbəla

Məşuqə yetməkdə aşiqçün məkandı Kərbəla.

Köksün üstündə, axıdılmış müttəqilər qanını

Çevrilibdir qətligahə, bağrı qandır Kərbəla.

Kəsilib başlar bədəndən, sinələr şəmşiriynən

Xeymələr tək odlanıb, həsrətdə yandı Kərbəla.

Zülm, əzab, işgəncələrdən ərşə qalxdı nalələr

Tapdalandı nəşi üryanılar, talandı Kərbəla.

İsti susuz çöl idi, İraqda tasua günü

Dərd bəlalı çöl təki qəmdən yarandı Kərbəla.

Nizə, oxlar yarəsindən torpağı al qan olan

Faciə, niskin dolu ahu-fəğandır Kərbəla.

Qəmgüzar, qürbətdə can vermiş Hüseynimdir Qərib,

Mühacir zəvvarlara, lütfü-həyandır Kərbəla.

Qiyas Qəmgüzar