Həzrəti Fatimənin naləsidir şah Hüseyn

27 Aprel 2024 - 27 1445

Həzrəti Fatimənin naləsidir şah Hüseyn

30.07.2021

Bizə Allah eləmiş lütf imamət bağın,

Rəsulullah becəribdir o bağın torpağın.

Keşiyin çəkmiş Əli hər budağın yarpağın

O bağın verdiyi bar, meyvəsidir şah Hüseyn.

Adı dillərdə gəzən bəhrəsidir şah Hüseyn.

O bağın hər gülün, hər bir çiçəyin tanrı seçib,

Ətirin duydusa bülbüllər həmən bağa köçüb

Bir gülün riyşəsi kovsər bulağından su içib,

O gülün üstə düşən jaləsidir şah Hüseyn

Həzrəti Fatimənin naləsidir şah Hüseyn.

O bağın kuyinə bir yol qoyasan sən də qədəm

Nə kədər həmdəm olar könlünə vallahi nə qəm.

Ola bir kəs günah əhli, olunar əhvi - qələm

Eşqi ilə deyə bilsə bəsdir şah Hüseyn

Məzlumun, kimsəsizin kimsəsidir şah Hüseyn.

Ağa izzətli olarsa, qula zillət nə gərək,

Bata bilməz bizə zalim, ona söykənsə kürək.

Hüsen eşqiylə döyünməkdədi daim bu ürək

Bu ürəkdən gələn haqqın səsidir şah Hüseyn

Həm dilin zikridi hər kəlməsidi şah Hüseyn.

Gəldi meydanə o dəm yetmiş iki qurban ilə

Əhdi peyman eləsin aşiq həmən canan ilə

Bəzədi Kərbübəlani yaradan al qan ilə

Vurulan hər bəzəyin ilməsidir şah Hüseyn

Qara qum üstə bitən laləsidir şah Hüseyn.

Hüsen eşqiylə sənin məlum olar aqibətin

Ki , onun eşqi zəmanətdi ola məğfirətin

Hələ dünyadə olarkən görünər axirətin

Əks edən axirət ayinəsidir şah Hüseyn

Kor olan qəlbimizin didəsidir şah Hüseyn.

Ey Fəna, sahibi var qəlb xanimanımızın,

Yeri var kuyi - xanimanıda cananımızın.

Eşqidən dağa dönən qəlbidə imanımızın

Həkk olan daşına salnaməsidir şah Hüseyn

Ən uca nöqtəsinin zirvəsidir şah Hüseyn.

Hüseyn məzhəbi qeyrətlə, şərəf simvoludur

Hüseyncan mən yoruldum, gəl ağa oxlandı gözlər

Mən Əlinin qızıyam, qorxu nədir bilməmişəm

Səslərəm Kərbubəla

Mən Hüseyn eşqinə bel bağlamışam

Həzrəti Fatimənin naləsidir şah Hüseyn

Kerbela.İnfo

Aylıq