Ey Zeynəb,

Payız yarpaqları tək

Üzüldü əzalar, düşdü başlar.

Amma sən dedin:

“Xəzanın da öz gözəlliyi var”.

Ey Zeynəb,

Dedilər: “Qadın torpaqdır, sükut etsin gərək”.

Dedin: “Əbu Turab qızıyam.

Torpaq dillənəndə zəlzələ qopar,

Nəinki ağıllar, qəlblər oyanar”.

Ey Zeynəb,

Dedilər: “Ağla, haray çək, yasa bat, qəm saxla!

Qamu əlvan rənglər sənə haramdır, bağla yanlız qara!”.

Əsrlər keçdi. Nalən nəğməyə döndü.

Aləmdə çox boya var, fəqət aşiqin qəlbində bir rəng var - o da qara.

Hüseyn Zəlzələ