Nökər olaq Hüseynə, minnətsiz, iddiasız

Bir anımız olmasın Seyyidi Şühədasız

Hidayət çırağının şəminə pərvanəyik

Qoy qınasınlar bizi, biz dəli-divanəyik

Çün sevirik Hüseyni, eşqidə mərdanəyik

Aşiq olmaz eşqidə məşuqinə vəfasız

Bir anımız olmasin Seyyidi Şühədasız

Yetmiş iki şühəda, izzət dolu səhnələr

Ələmpərvər Əbəlfəzl, qeyrət dolu səhnələr

Başdan-başa nəzər sal, ibrət dolu səhnələr

Heç nəyə nail olmaz müsəlman Aşurasız

Bir anımız olmasın Seyyidi Şühədasız

Sən mənimçün dəyərsən, şərəf şanlı Kərbəla

Çün hərgün Aşuradır, hər yer canlı Kərbəla

İraq, Yəmən, Fələstin, Qəzza - qanlı Kərbəla

Dünya susur danışmır, qalıb səssiz-sədasız

Bir anımız olmasın Seyyidi Şühədasız

Fələstinin bitməyən dərdi, qəmi, qüssəsi

Vücudumun ayrılmaz parçası, bir hissəsi

Qəzzada baş verənlər titrədəcək hər kəsi

Cinəyatkarlar gərək qalmamalı cəzasız

Bir anımız olmasın Seyyidi Şühədasız

Dərdi, qəmi bitməyən qəmli ruzigarımız

Gözlərimiz yoldadı, artır intizarımız

Sən bizim son ümüdmiz, sənsən xilaskarımız

Həyat bizə çətindir, İmam Zaman ağasız

Bir anımiz olmasın Seyyidi Şühədasız.

Rəşad Həsənli