Allah neçə Zeynəb yaradıb tariximizdə?
Zeynəb necə məktəb yaradıb tariximizdə !
İsari canı dəb yaradıb tariximizdə
Hər kəs ki, onun ustadı Zəhra ola, əlbət
Başdan ayağa qibtə edər ol kəsə iffət

Zeynəb bizə dünyadə olan ovcu-şərəfdir
Zeynəb adı zinətdi bizə, dürrü-sədəfdir
Zeynəb bizə yoldur, bizə məqsəddi, hədəfdir
Hər kəs ki, tuta damənini xoş olacaqdır
Zeynəbsiz əməl dəftərimiz boş olacaqdır

Zeynəb xanıma tənə edən , ey dili qafil
Olmuş ürəyin, beynin əcəb İblisə mail
Sən kinlə , küdurətlə nəyə olmusan hasil
Zəhra qızını sevməyənin zatı xarabdı
Zəhra qızına eşqi olan alicənabdı

Zeynəb elə Zeynəbdi , onun canı Hüseyndir
Hər dərdi olarsa yenə dərmanı Hüseyndir
Eşqində sədaqətlidi, cananı Hüseyndir
Hər vaxt yadına düşsə Hüseyn qəlbi yanardı
Zəhra toxuyan köynəyə həsrətlə baxardı

Zeynəb anamız çeşmi-həyatdı , nəfəsimdir
Bikəs məni sanma bu həyatda, o kəsimdir
Mən öpsəm onun qəbrini vallahi bəsimdir
Seyyid, Xanımın isminə et böylə nəzakət
Qismət olur aşiqlərə ol dəmdə ziyarət.

Seyyid Ağarəşid Talibov