Bu gün mən bir yerdən keçdim

Əllər Hüseyn, Hüseyn deyir

Doldurdular badə içdim

Dillər Hüseyn, Hüseyn deyir

Əllər açılmış Səmaya

Baxarlar nurlu simaya

Təvəssül Zəhra anaya

Qullar Hüseyn, Hüseyn deyir

Baxdım gördüm gül bağçası

Heyran edir hər kəsi

İylədim çəkdim nəfəsi

Güllər Hüseyn, Hüseyn deyir

Qan qırmızı gülə baxın

Yağış yağdığında çəkin

Yelləməyin, siz buraxın

Budaqlar Hüseyn, Hüseyn deyir

Arıya ilham edildi

Yığdığı çiçək, gül idi

Nəhl surəsi ona gəldi

Ballar Hüseyn, Hüseyn deyir

Əsən külək yüzün oxşar

Bu işdə bir gözəllik var

Dayanmadan edir təkrar

Yellər Hüseyn, Hüseyn deyir

Eşqi hardan aldın elə

Eşqinə yandır kül elə

Od, alov da bilsin söylə

Küllər Hüseyn, Hüseyn deyir

Yaşıllaşan ağacları

Dənə, dənə yağan qarı

Araşdırdım zamanları

İllər Hüseyn, Hüseyn deyir

Mədinədən çıxdı yola

Harada verdisə fasilə

Basdığı yer gəldi dilə

Yollar Hüseyn, Hüseyn deyir

Çevirdilər ətrafını

İstədilər pak canını

Tökərkən günahsız qanını

Qollar Hüseyn, Hüseyn deyir

Fərata axan gözyaşı

Sürüyür böyüklər daşı

Belə görülmədi yoldaşı

Sellər Hüseyn, Hüseyn deyir

Duaya açılan əllər

Haqqı zikr edərkən dillər

Kərbəlada şahid qullar

Səhra Hüseyn, Hüseyn deyir