Bu Hüseyn kimdir onu səsləyir eşq ilə cəhan?
Aşiqi olmuş onun körpə, qoca, bir də cavan.

Bu Hüseynçün yaranıb Kərbubəla faciəsi?
Onu hər ləhzədə zikr eyləsə doymaz bu zəban.

Allahın qanı deyillər o tökülmüş qanına,
Bu nə əsrardı qalmış bizə illərlə nihan?

Beli sınsın fələyin, gör necə sındırdı belin,
Səcdəgahından olub dizlərinə qanı rəvan.

Zərrə istərsən əgər fəhm edəsən Abbası,
Gərək ey Həşri, bu canı verəsən yarə asan.

Royal Həşri