(Xanım Zeynəbin (s) dilindən)

Əziz Anam! Səndən sonra

Bilirsənmi nələr oldu?!

Şadlıq saçan evimizə

Qəmü-qüssə, kədər doldu...

Məzlum atam qaldı bikəs,

Əvəz etməz səni heç kəs.

Dünya oldu ona qəfəs,

Gülüzarı tamam soldu...

Əldə sınıq sırğa Həsən (ə),

Nələr çəkdi bircə bilsən?!

Üzündəki o göy izdən,

Ciyərinə qanlar doldu...

Hüseyn (ə) öpdü ayağından,

Od töküldü dodağından

Sən buraxdın qucağından,

Kərbəlada ətşan öldü...

Bu Zeynəbin yetim qaldı,

Qəm çölündə qanad çaldı.

Saraylara lərzə saldı,

Zalım yerlə yeksan oldu...

Zeynəb Zeynalabdiyeva

/Deyerler.org/