Şah Hüseynə səni mehman olasan, dönməyəsən.
Dili-suzan, ləbi-ətșan olasan, dönməyəsən.

Șövq ilə üz tutasan meydana Qasim sayağı,
Əliəkbər kimi șan-şan olasan, dönməyəsən.

Dərk edib Zeynəbi-Kübranın o ağır gününü,
Çökəsən diz, dili-viran olasan, dönməyəsən.

İçməyib abu Fəratdan ağam Abbas kimi,
Gözü qan, hər iki qoldan olasan, dönməyəsən.

Oxlanıb düz boğazından Əliəsgər misalı,
Çırpınıb qanuva qəltan olasan, dönməyəsən.

Oturub Beynül-hərəmdə bir ömür ağlayasan,
Kor olunca gözü giryan olasan, dönməyəsən.

Seyyida, Kərbübəla bir də nəsib olsa sənə,
İstəmirsənsə, pərișan olasan, dönməyəsən.

Seyyid Ağarəhim Baxşıyev