Ziyarət yerləri həqiqət yolu,
Görüş vüsalını dadıb qayıtdın.
Bu feyzin məqamı müqədddəs dolu,
Hüseyn sevgisini ruhuna qatdın.

Məzlum söyləməyin İmam Hüseynə,
O Gün şölələndi haqqın çırağı.
Şəhidlik zirvəsin alıb çiyninə,
Ucaldı islamın enən bayrağı.

Kərbəla torpağı Hüseyn qanıyla,
Şərafət qazandı, müqəddəs oldu.
Zalımın zülmünə Öz üsyanıyla
Haqqa-ədalətə aparan yoldu...

Tapdıq Əlibəyli

Kerbela.info