Qeyrətdən danışan qeyrətsizlərin,
Kürsü davasında yandı Xocalı.
Sanki Kərbəladır, Ömər Sədlərin,
Boğazında irin, qandı Xocalı.
Qayıdaq o günə, qanlı Fevrala,
Bu əsrin sonunda yeni Kərbəla,
Düzdür Kərbəlanın yox bərabəri,
Huseyn, Əbəlfəzdir dillər əzbəri.
Nə qədər dünya var, Kərbəla vardır.
Huseyn Kərbəlası bir kəhkaşandır.
Amma Xocalının halını anmaq,
Belə bir dəhşətə biganə qalmaq,
İnsanlıq adına təhqir, rəzalət,
Hanı insan haqqı, hanı ədalət?!

Hacı Fərman Məmmədov

Kerbela.info