Kəsərdə sanki Əli Zülfüqarıdır Zeynəb

09 May 2024 - 9

Kəsərdə sanki Əli Zülfüqarıdır Zeynəb

16.03.2021

Kəsərdə sanki Əli Zülfüqarıdır Zeynəb

Hünərdə nitqi-Hüseynin şüarıdır Zeynəb

Qədərdə misli-Həsən, qəm qatarıdır Zeynəb

Dəyərdə yeddi səmadən yuxarıdır Zeynəb

Əli şərafəti, Zəhra vüqarıdır Zeynəb

Müqərrər əhdə müqərrər vəfanı göstərdi

Müyəssər oldu sərasər səfanı göstərdi

Mükəddər olmağa ərzi-əzanı göstərdi

O Kərbəlada əsil Kərbəlanı göstərdi

Diyari-qəmdə olan qəm diyarıdır Zeynəb

Yaralı sinəsi udmuş nə qədri fəryadi

Rəha səfinəsi dəryada od tutan vadi

Vəfa mədinəsi, eşqin dəyişməyən adi

Zəka xəzinəsi, nitqin müfəssəl ustadi

Bəla dəfinəsi, sirrin məzarıdır Zeynəb

Bütün əzizləri dünyanı imtahan etmiş

Mübarək izləri sövdanı cavidan etmiş

Alovlu sözləri ədnanı bağrı qan etmiş

Yağışlı gözləri səhranı gülsitan etmiş

Payızda başlanan eşqin baharıdır Zeynəb

Yetəndə məqtələ Zeynəb ucaldı əfqanı

Alıb qucağına yerdən şəhi-şəhidanı

Əlində canı nəhayət çağırdı cananı

Dedi qəbul elə bizdən, Xuda, bu qurbanı

Sübuta yetdi kimin yadigarıdır Zeynəb

Pünhan Əzimli

Hüseyn məzhəbi qeyrətlə, şərəf simvoludur

Hüseyncan mən yoruldum, gəl ağa oxlandı gözlər

Mən Əlinin qızıyam, qorxu nədir bilməmişəm

Səslərəm Kərbubəla

Mən Hüseyn eşqinə bel bağlamışam

Həzrəti Fatimənin naləsidir şah Hüseyn

Kerbela.İnfo

Aylıq